Aintzatespenik falta ez duen antzerkigilea da Alfredo Sanzol, etxean zein atzerrian bere egiteko moduagatik ezaguna eta txalotua. Iruñean sortua, Nafarroatik urrun urteak daramatzan arren, ez ditu sekula nafar izaera eta sentipena galdu, eta bere lurrak eman zion txikitasunean handitasuna (eta unibertsaltasuna) bilatzeko grina ez du sekula galdu. Are, hura bilakatu du bere antzerkigintzaren oinarri. Egun Madrilgo CDNko buru, Vianako Printzea Saria eskaini zitzaion atzo, lurretik urrun egon arren lurretik edanez egin duelako bere ibilbidea.