Arabako Aldundiak Ticket Bai sistema ezartzera behartu nahi ditu Gasteizko txosnak. «Egoera hori aldatu ezean, aurten ezingo dugu txosnarik jarri», ohartarazi zuten atzo, jaietarako egun gutxi falta direnean. Ticket Bai berez iruzur fiskalari aurre egiteko tresna da. Ez du zentzu handirik behin-behineko jarduera batean eta irabazi asmorik gabeko eta ekarpen boluntarioan oinarritzen den jai esparru batean hori erabiltzera derrigortzeak. EAJ, iruzurraren aurka jo ordez, baliabide publikoak herri mugimenduaren kontra erabiltzen ari da.