LGTBI kolektiboko pertsonen aurkako erasoei eta eraso matxistei aurre egiten laguntzeko printzipio, oinarri eta balio komunak zehazteko protokoloa abian jarriko dute Gasteizko jaietan. Lumagorri kolektiboak eta Mugimendu Feministak elkarlanean sortu dute.

Besteak beste, 24 orduz aktibo izango diren bi telefono zenbaki egongo dira: 747414834 (indarkeria matxistarako) eta 633309653 (LGTBIfobiarako).

Arlo pedagogikoan, protokoloak indarkeriaren gaineko hausnarketa, formakuntza eta lanketa kolektiboa egitea du xede. Prebentiboa ere izango da, protokoloaren existentziak berak prebentziorako erreminta gisa funtzionatu dezakeelako.

Gerta daitezkeen erasoak salatzeko jendarteratzeak deituko dira, baina kasuz kasu.