Badira gurean udazkena ehizarekin lotzen dutenak, baita onddo bila joatearekin ere, baina, hego haizea lagun dugun eta Behobia-Donostia ate joka den honetan, beste askok zapatilak eta galtza motzak jantzi eta korrika egiteari ekiten diote, udako gehiegikeriak nolabait gainetik kendu asmoz. Perretxikoak baino gehiago ugaritzen dira urte sasoi honetan herri lasterketak eta atzo, esaterako, Donostiako maratoi erdia ospatu zen, eguraldia lagun. Emaitzei dagokienez, azkenerako Fernando Carrok eta Meritxell Solerrek lortu zituzten garaipenak.