Joan den ekainean, 64 urte zituela, bat-batean hil zen Koldobika Jauregi eskultorea. Euskal Herrian eta nazioartean sona handiko artista zen; gizon maitatua ere bai. Atzo, Alkizan, bere sorterrian, eta “Bizitza efimeroa” lelopean, bere omenez egun hauetan egiten ari diren ospakizunen barruan, ekitaldi nagusi eta herritarrena egin zuten. Plazan, arte performance handi eta hunkigarri bat egin zuten eta, gero, Jauregiren bizitza ospatzeko, bazkari batean batu ziren kulturgileak, herritarrak eta artistaren lagunak. Alkizan Ur Mara museoa sortu zuen Jauregik.