Sarah Mazetti eta Andrea Antinori ilustratzaileek sortutako ekimena da ‘‘Drawing for Palestine’’, Gazarako laguntza humanitarioa biltzea helburu duen egitasmoa. Bolonian emandako lehen pausoaren ostean, Irudika ilustrazio jaialdiaren bidez Gasteizko Kordoi Etxera iritsi da egitasmoa: berrogei ilustratzailek genozidioa etetearen aldeko ilustrazio bana egin dute azaroaren 22ra arte ikusi ahalko den erakusketa solidario honetarako; bertan ikusgai dauden laminak salgai daude 50 euroan, eta biltzen den dirua UNRWA erakundera bideratuko da.