Iruñeko Duguna dantza taldea ospakizun betean murgilduta ibili da azken hilabeteotan. Eta ez da gutxiagorako, 2024 honetan 75 urte bete baititu konpainiak. Hainbat ekitaldi egin dituzte urte osoan zehar, dantza taldearen sorrera eta bilakaera oroitarazteko, eta atzo dantza taldean dabiltzan edo ibili izan diren adin guztietako 200 dantzari kalera irten ziren, gazteak zein helduak, konpainiaren iragana eta oraina eskutik helduta doazela erakutsarazteko. Kaleak bere egin zituzten eta Udaletxe plazatik Gazteluko plazarainoko ibilbidea osatu zuten.