Pasaiako Udalaren Berdintasun Mahaiak antolatuta, emakume orga-eramaileen muralari azken ukituak eman zizkioten atzo arratsaldean, udal euskaltegiaren aurrean. Muralaren aurkezpena egin zuten ondoren. Lan gogor hura egin zuten emakumeei Pasaiako herriak egin dien omenaldia da. Herriaren memoriaren parte izatearekin batera, interesgarria eta beharrezkoa da onarpen eskasa zuten lanbide feminizatuei horrelako aitortzak egitea, besteak beste, gogoratzeko gaur egun ere badaudela gutxi baloratutako lanbide feminizatuak.