Nafarroako Gobernuko Memoria eta Elkarbizitza sailburu Ana Olloren arabera, Ezkabako gotorlekua memoria leku bilakatzeko hitzarmenaren sinadura geldirik dago Estatu mailako aurrekontu faltagatik. Ollok atzo Parlamentuan adierazi zuenez, espero du nafar eta espainiar gobernuek hitzarmena lehenbailehen sinatu ahal izatea. Defentsa Ministerio espainolarena da gotorlekua, eta oraindik onartu ez diren aurrekontuetan jasota leudeke lanak egiteko diruak. Etsigarria da, 2025ean sarturik, ez aurrera ez atzera egotea.