Musika Bulegoak bere 10. urteurrena ospatzeko ekitaldi berezia egin zuen atzo Bilborock-en, musikako, erakunde publikoetako eta sektoreko beste eragile estrategiko batzuetako dozenaka profesional bildu zituena. Ekitaldian zehar, euskal musikaren sektoreak azken hamarkadan izan duen bilakaeraren errepasoa egin zen, marka berria aurkeztearekin batera. Hamarkada hau inflexio puntutzat jo zuen Iker Durana gerenteak, eta etorkizuneko erronkak ere finkatu zituen, besteak beste, sektorearen erreferente gisa sendotzea eta presentzia indartzea.