Aspaldi zen ezaguna Donald Trumpek Hezkuntza Sail federala begi-puntuan jarrita zeukala. Behin baino gehiagotan haurrak doktrinatzea leporatu dio, eta errepublikano eskuindarrek beti gaitzetsi dute, arrazismoa hain sakon errotutako herrialdean, bazterketa horren oinarrian dauden motiboak azaltzea. Esklabotzari, eskubide zibilei eta arrazakeriari buruzko herritar kritikoak heztea eskuin muturraren obsesioetako bat da aspalditik.

Hala, Usaid nazioarteko garapen agentzia ia erabat itxi ostean, Hezkuntzaren txanda da orain. Joan den astean, Elon Muskek gidatutako DOGE «Eraginkortasun Saileko» taldea Washingtongo Hezkuntza Sailaren bulegoetan sartu zen. Herrialde osoko dozenaka milioi ikasleri buruzko datu pertsonal eta ekonomikoak jasotzen zituzten datu baseak bereganatu zituzten. Kongresista demokratek protesta egin zuten kalean, inork hautatu gabekoek eta Kongresuak baimendu gabeko pertsonala datu sentiberak biltzen ari ziren bitartean, herritarren ordezkariak kalean geratu behar izan zuten. Segurtasun arduradunek barrutik itxi zuten eraikina.

Astelehenean Elon Muskek 101 milioi dolarreko 29 DEI ikastaro (dibertsitateari buruz) bertan behera uzten zituztela iragarri zuen. Biharamunean kopuru hori biderkatu egin zuten: 89 kontraturen etena iragarri zuten, 881 milioi «aurrezteko». Murrizketak funtsean ikerketa eta estatistika bulegoa ezabatzea dakar. Datu eskerga horretan daude herrialdeko ikasleen emaitzak, eskolen segurtasuna, batxilergoko zientzia ikastaroa eta beste hainbat elementu daude eta hezitzaileetatik ikastetxe, unibertsitate zein hezkuntza sailetara, oso erabiliak dira.

KALTEAK

Are gehiago, datu horien galerak ondorio oso kaltegarri bi berehala izango dituela iragarri dute: batetik, gizartean eta ekonomikoki zailtasun handienak dituzten familietako haurrei eragingo die. Baina, bestetik, herrialde bezala ere nazioarteko lehiakortasuna kaltetuko du, beste herrialde batzuk ikerkuntzan berebiziko apustua egiten ari diren sasoian.

Melanie Stansbury Mexiko Berriko kongresistak asteon Huffington Post-en salatu duenez, «aktiboki desegiten» ari dira Hezkuntza Saila. Joan den asteartean Washingtongo eraikin ofizialaren «seigarren solairuan dirulaguntzak eta kontratuak bertan behera uzten ari» zirela gaitzetsi zuen. Kongresistaren arabera, Trumpen Administrazioak «probak egin ditu azken asteotan, hauxe prestatzeko» eta, honenbestez, «Hezkuntza Saila desegin egingo dute datozen egunetan».

Askoren iritzian, presidenteak edo haren menpeko langileek ezin dute legalki Hezkuntza bezalako sail bat itxi, kongresuaren oniritzia behar baitu, «badakite ez dela legala. Baina, hala ere, egiten ari dira. Uneotan egin dezakegun gauza bakarra auzitegietara joatea da», salatu du Mexiko Berriko kongresistak. AEBn komunitate indigena gehien dituen estatuetako bateko ordezkaria izanik, Stansburyk kezka agertu du bereziki jatorrizko herrietako komunitateetako hezkuntza programekin (tribal education programs).

Iaz eskuin muturreko Heritage Foundation-ek hezkuntza publikoa ume guztiei, edozein immigrazio estatus dutela, bermatzen dien 1982ko printzipio konstituzionalaren (Plyler v Doe) aurkako lege bat egiteko eskatu zieten estatu errepublikanoei. Orain, bost estatutan gutxienez, hori bera egiten ari dira, migratzaileen seme-alabei hezkuntza oztopatzeko asmoz.

AUZITEGIETARA

Igandean, Super Bowl-aren aurretik Fox telebistako Bret Baier-ekin egindako elkarrizketan, Donald Trumpek berretsi zuen Hezkuntza Saila desegiteko asmoa zeukala, eta hori zutela hurrengo ekimena, Usaid agentzia itxi ondotik. Asteon bertan, DOGEn Muskek hartu dituen jarraitzaileak Hezkuntza Sailera eta Pentagonora joango zirela iragarri zuen Trumpek.

Trumpek lehen ere esana du Hezkuntza Saila desegin eta estatuen esku utzi nahi duela ardura hori. Zenbait hedabidek nabarmendu zuten Musken hurrengo jomugan zegoela Saila. CNNk, esaterako, bi urratsetako «leherketa kontrolatua» aurreratu zuen: presidentearen agindu exekutibo bat Hezkuntza Sailari lehendabizi, egungo egitura erabat mehartu eta askoz txikiagoa den zerbait bihurtzeko. Era berean, Saila erabat desegiten hasteko eskaera bidaliko luke Etxe Zuriak Kongresura, azken urratsa Legislatiboari baitagokio.

Usaiden kasuan, 14.000 lagunetik 250era murriztea agindu du Trumpek, eta asteartean erakunde horretako inspektore nagusia kaleratu zuen, Etxe Zuriarekin kritikoa zen txosten bat argitaratu ostean. Inspektore nagusiek Gobernu-agentzien ikerketak eta auditoriak egiten dituzte, iruzurra, bidegabeko erabilera eta beste kasu batzuetan. Legearen arabera, inspektore nagusiak kaleratu aurretik administrazioak 30 eguneko abisua eman behar dio Kongresuari, horretarako arrazoiak zehaztuz. Trumpek urrats horietako bakar bat egin gabe kanporatu ditu hainbat inspektore. Joan den astean epaile batek behin-behinean eten egin zuen atzerriko langileak berehala ebakuatzeko agindua, baita ia 3.000 langile etxera bidaltzekoa ere. Inspektore orokorrei lotuta dauden Gobernu-agentzia baten tratu txarrei, iruzurrari eta hondakinei buruzko ikerketak eta auditoretzak zuzentzeaz arduratzen dira. Hainbat administraziotan balio dezakete eta haien gomendioak eta aurkikuntzak ere kaleratu ditzakete.

Demokratak Kongresuan gutxiengoan egonda, auzitegietatik etorri da Trumpen eta Musken politiken aurkako erreakzio nagusia. Epaileek geraraztea agindu dituzten neurriak, askotan, sindikatuek ezarritako salaketen ostean gertatu dira. Langileen ordezkariek adierazi dutenez, azken asteotan aspaldi ez bezala igo da afiliazio kopurua Trumpek bereziki zigortu dituen sektoreetan, besteak beste funtzionario federalen sindikatuetan eta irakaskuntzakoetan.

Musk nabarmen, Etxe Zurian egindako lehen agerraldian

Elon Musk, munduko pertsona aberatsena, Etxe Zurian agertu da lehen aldiz. Bulego Obalean Donald Trumpen aldamenean agerraldia egin zuen asteartean, eta Musk bera izan zen hitz gehien egin zuena.

MAGA bisera bat eta beroki beltz luze batez jantzirik, Musk harroputz mintzatu zen. «Herritarrek Gobernuaren erreforma handi baten alde bozkatu dute, eta hori da izango dutena», esan zuen. Interes gatazka agerikoa nabarmendu zion kazetariari (Musken konpainiek kontratu federal ugari dituzte) lotsarik gabe erantzun zion: «Ez naiz ni kontratua aurkezten duena. SpaceX-eko jendea da». Musken langileak, alegia.

Muskek dituen hamabi seme-alabetako txikienarekin (lau urte ditu) egin zuen agerraldia. Haren amak, Grimes musikariak, kritikatu egin du: «Ez luke horretan publikoki egon behar. Ez dut ikusi, mila esker jakinarazteagatik».U. U.

El Kremlin confirma la liberación de un preso estadounidense como parte de un intercambio

El Kremlin confirmó ayer que la liberación por parte de Rusia el martes del ciudadano estadounidense Marc Fogel es parte de un intercambio con Estados Unidos, que en los «próximos días» pondrá en libertad a una persona de nacionalidad rusa presa en EEUU, a diferencia de los intercambios de prisioneros anteriores entre Moscú y Washington, cuando rusos y estadounidenses fueron liberados simultáneamente y sus identidades se revelaron de inmediato. El presidente estadounidense anunció una segunda excarcelación para ayer, pero al cierre de esta edición no se había producido.

Fogel, nacido en 1959, es un maestro de escuela estadounidense que fue arrestado en agosto de 2021 por las autoridades rusas por intentar entrar al país con cannabis medicinal recetado en EEUU para sus dolores de espalda y que fue considerado como narcotráfico por Moscú. En junio de 2022 fue condenado a 14 años de prisión. Llegó a su país el martes por la noche y fue recibido en la Casa Blanca por Donald Trump, quien dijo que «hemos sido tratados muy bien por Rusia» y describió el acuerdo para el canje como «muy justo, muy razonable». El presidente de EEUU anticipó que «alguien más será liberado mañana -por ayer-», pero no dio más detalles.

Dmitri Peskov, portavoz de la Presidencia rusa, señaló que la identidad del ciudadano ruso que liberará EEUU se conocerá cuando se encuentre en Rusia. Resaltó que últimamente se han intensificado los contactos entre departamentos rusos y estadounidenses, y que el resultado de esos contactos ha sido este canje.

Según “The New York Times”, la liberación de Fogel habría sido a cambio del ruso Alexander Vinnik, un presunto «capo del cibercrimen» que entre 2011 y 2017 operó TC-e, una de las mayores plataformas de intercambio de criptomonedas del mundo. Fue arrestado en Grecia en 2017 a petición de Washington, bajo la acusación de haber utilizado esa plataforma para lavar 4.000 millones de dólares, y extraditado a EEUU. En mayo, se declaró culpable de conspiración para cometer lavado de dinero y enfrenta una condena de 20 años de prisión.

«Nuestros colegas estadounidenses han optado por anunciar los resultados, nosotros tenemos un enfoque diferente. Para una diplomacia eficaz, preferimos respetar los acuerdos de confidencialidad», señaló Peskov.

El portavoz del Kremlin consideró que cualquier acuerdo es «un paso hacia el incremento de la confianza mutua, que ahora se encuentra en su punto más bajo». GARA