Aitor Frantzesena “Gallo” surflari zarauztarrak itsuen kategorian AASP zirkuituko proba irabazi du Australian. Surflari itsuen kategoriako lehen sailkapen-jardunaldia gainditu ondoren, Frantzesenak ingurua ondo baino hobeto ezagutzen duten bi surflari australiarrekin neurtu behar izan ditu indarrak; Kirk Watson eta Steven Fox-ekin. Aitorrek laster hartu zuen 5.33ko olatua eta, 3.83ko beste bat surfeatu ostean, aurkariek ezin izan zuten bere parera iritsi. Gipuzkoarra 9.16 punturekin gailendu da, Steven Foxen (6.54) eta Kirk Watsonen (4.37) aurretik.