Donostiako Giza Eskubideen Zinemaldiaren 22. edizioari gaur emango zaio amaiera, Victoria Eugenia antzokian egingo den galarekin. Bertan jasoko du Helena Taberna zinemagileak Giza Eskubideen Zinemaldiko saria, bere ibilbidean zehar gai sozialei erreparatzeko erakutsi duen sentsibilitateari eskertza agertzearren. «Kolpatu eta hunkitzen gaituzten gaiak eta konplizitatea sortu eta herrialde eta kultura desberdinetako ikusleengan gogoeta eragin» dutenak jorratu ditu Tabernak, atzo saria iragartzean nabarmendu zutenez.