Orotara 2.700 dantzaritik gora hartu zituen atzo Barakaldoko Lasesarre pabiloiak Araba, Bizkai eta Gipuzkoako Dantza Garaikidearen eta Kaleko Dantzen V. Txapelketan. Hazten ari den lehiaketa da; izan ere, aurtengo edizioan iaz baino %30 dantzari gehiago bildu ditu, gehienak Euskal Herriko hiri eta herrietatik etorriak, baina baita Kantabria, Errioxa eta Balear Uharteetatik ere, antolatzaileek jakinarazi zutenez. Txapelketak gaur izango du segida, leku berean: 9.00etatik aurrera eta egun osoz, “kaleko dantzak” eta “open” modalitateetan lehiatuko dira.