Maiatzaren 3an BECeko Bizkaia Arenan Maite Zaitut jaialdia egingo da eta bertan musika josiko duten musikariek entsegu orokorra egin zuten ostiralean Pasai Donibanen. Guztira puntako 14 musikariren lana izango da oinarria jartzea, musika izango baita herri omenaldiaren lur emozionala. “Maite zaitut” kantak 20 urte bete ditu. Arrazoi potoloa -eta badira beste asko- Pirritx, Porrotx eta Mari Mototsen lana goratzeko. 38 disko eta ia 500 abesti egin dituzte pailazoek, eta kantuak izango dira jaiaren haria, horietan jasotzen baitira beren balioak eta mundu ikuskera.