Bilboko Kontzientzia Eragozpen Mugimenduak, urtero egiten duen bezala, gastu militarrari objekzio fiskala egitera deitu du euskal jendartea. Desobedientzia tresna honek ahalbidetzen du jardun militarrari kontrakotasuna adieraztea zergen bidez. Maiatzean eta ekainean erakunde antimilitaristak asistentzia zerbitzu bat eskainiko du errenta aitorpenean eragozpen hori aplikatu nahi duten pertsonentzat. Gastu militarra biderkatu nahi den garai hauetan, beharrezkoa da norabide horretan indar egitea.