Parisko Pere Lachaise hilerri ospetsutik Jim Morrison, The Doors taldeko abeslariaren eskultura lapurtu zuten duela 37 urte. Orain Poliziak kasualitatez aurkitu du etxebizitza batean, iruzur ikerketa batean ziharduela. Bustoa 1981. urtean jarri zuten Morrisonen heriotzaren hamargarren urteurrenaren oroigarri gisa, eta zazpi urte geroago ebatsi zuten, musikariaren zaletuen penarako. Asko eta asko dira Parisera bisitan Morrisonen hobira hurreratzen direnak. Oraindik ez dute argitu eskultura jatorrizko lekura itzuliko duten edo ez.