Jerusalem Ekialdeko legez kanpoko kokaguneak hiriaren Mendebaldearekin lotzea bilatzen duen tranbiaren bigarren fasearen eraikuntza abiatu dute Israelgo agintariek. Jerusalem okupatuko Ekintza Nazional eta Zibileko Batzordeak atzo kontrakotasuna adierazi zuen, «kolonialismoaren errealitate berriak inposatzeko eta hiriaren anexio progresiboaren politika finkatzeko ahalegin» bat delakoan, eta CAF epaitegietan salatzera deitu zituen Gobernu espainola eta herri erakundeak, Palestinako herriaren eskubideen urraketan duen inplikazioagatik.