Super Amara Bera Bera eskubaloi taldeak Donostiako Udalaren eta Gipuzkoako Diputazioaren harrera izan zuen atzo, liga irabazi eta gero. Azken hamahiru urteetan eskubaloi taldeak hamargarren liga irabazi du eta, iaz bezala, aurten ligan, kopan eta superkopan gailendu da. Esther Arrojeria eta Alba Menendez kapitainek omenaldi honetako bereizgarria jaso zuten. Haien azken partida izan da asteburu honetakoa, biek erretiroa hartu baitute, taldean ibilbide luzea eta oparoa egin ondoren. Oso merezitako aitortza.