Aintzat osasungintza euskalduntzeko mugimenduak eta Euskal Herrian Euskarazek, elkarlanean, ‘‘Osasungintza euskalduna, behingoz!’’ kanpaina gauzatu dute azken hilabeteotan. Ehunka osasun langilek sinatu dute zortzi eskaeraz osatutako manifestua, eta sustatzaileek atzo egindako prentsa agerraldian aurkeztu zituzten. Euskarak bultzada bat behar du azken urteotako geldialdia gainditzeko, eta horretarako politika ausartak behar dira, baita euskararen eta erabileraren aldeko jarrera sustatzea ere.