A-15 autobideko tunelen berritze-lan amaiezinak direla kausa, itxiera gehiago egingo dituzte egunotan. Gaur gauean egingo dutena iragarrita zegoen, baina atzo jakinarazi zuten ostiraleko 22.00etatik asteleheneko 6.00etara Gipuzkoan errepidea bi noranzkoetan itxiko dutela, Belabietako tuneleko konponketei ekiteko. Obra hauek 2021ean hasi ziren eta 2026ko udazkenean bukatzea espero da. Bitartean, trafiko etenak izango dira. Martxa honetan, konponketak errepidearen eraikuntza bera baino gehiago luzatuko dira.