Luizi batek 20 metro arrastatu du oliobide bat, eta petrolio isuria eragin du Ekuadorreko El Reventador sumenditik gertu. Petrolioa garraiatzeari utzi diote, isuritako emariari eusten saiatzen diren bitartean. Petroecuadorrek ez du jarioaren gaineko zifrarik eman, baina aurreko istripuetan 15.000-25.000 upel galdu ziren. Eremu horretan lur-jausiak ohikoak diren arren, bertan petrolioa garraiatzeari eusten dio enpresak. Ez du axola: istripuren bat izanez gero, urruneko naturaguneak jasango ditu ondorioak.