Bossa novaren erreferente handienetakoa den Toquinhoren kontzertuarekin eman zitzaion amaiera atzo 48. Gasteizko Jazz Jaialdiari. ‘‘Aquarela’’ kantu ahaztezinaren sortzailea Brasilgo musika era berritzailean ulertzeko gai izan zen belaunaldi bateko kide da, Caetano Veloso, Chico Buarque eta Gilberto Gilekin batera, eta, Mendizorrotzako oholtzan, oraindik ere bossa nova eta jazz tropikaleko izarretariko bat dela erakutsi zuen. Izan ere, Toquinhok 60 urteko ibilbidea du musikagintzan, eta orotara berrogei disko argitaratu ditu. Oholtzan Yamandu Costarekin batera aritu zen, orain bi urte Gasteizen zazpi sokako gitarra astitzen ikusi genuenarekin.

OLATU BERRIA

Aurretik, Dora Morelenbaum abeslari eta musikagileak argi utzi zuen zergatik hartzen den Brasilgo musikaren olatu berriko erreferentetzat. Funky, soul eta jazz musika indie pop estiloarekin nahasiz, argi utzi zuen Brasilen egun ere talenturik ez dela falta.