EAJk, PSEk eta PPk atzera bota zuten, atzo, Illunben aurrerantzean zezenketarik ez egiteko Elkarrekin Donostiak aurkeztutako mozioa. Hiru alderdi horiek hartutako erabakia salatu zuen koalizioak: «Animaliak torturatzen eta animalien eskubideak urratzen jarraituko du Donostiak, ustezko kultura baten parte gisa». Gizartea asko aldatu da, eta egun herritarren %70ek baino gehiagok zezenketak baztertzen dituzte. Testuinguru horretan, horrelako jarduera anakroniko eta biolentoa mantentzeak ez du inolako zentzurik.