Xabat Galletebeitia gailendu zen Barakaldon, atzo, Bizkaiko Bertsolari Txapelketako finalaurrekoen lehen bueltako azken saioan. Erabakita geratu zen nortzuek kantatuko duten bigarren bueltako bi finalaurrekoetan ere. Hilaren 15ean Bermeon arituko dira Aissa Intxausti, Aitor Bizkarra, Aitor Etxebarriazarraga, Ibai Amillategi, Onintza Enbeita eta Unai Mendiburu. Handik astebetera, 22an, Markina-Xemeinen, berriz, Gorka Pagonabarraga, Imanol Uria, Jone Uria, Oihana Bartra, Txaber Altube eta Xabat Galletebeitia bera jardungo dira.