Aitor Bizkarrak irabazi zuen atzo Bizkaiko Bertsolari Txapelketako azken-aurreko finalaurrekoa. Saio biribila egin zuen Bermeon; ganbarako ariketa sendo batekin bukatu zuen, eta 664 puntu lortu. Aitor Etxebarriazarraga (641,5) eta Onintza Enbeita (632) ere ederki ibili ziren. Finalean kantatuko dute Bizkarrak eta Etxebarriazarragak, eta atea irekia du Enbeitak ere. Aissa Intxaustik (608) astebetez zain egon beharko du abenduaren 20an Casillan kantatuko duen ala ez jakiteko. Berdinduta (599,5), bosgarren eta seigarren egin zuten Unai Mendiburuk eta Ibai Amillategik.