Komikia gero eta zale gehiago bereganatzen ari den garaiotan, urteroko hitzordu mamitsua bilakatzen ari da HernaniKomik, Gipuzkoako herrian egiten den komiki azoka. Badu berezitasun bat: euskaraz argitaratzen diren lanek dute lekua bertan; euskarazko komikien Euskal Herriko azoka bakarra da. Laugarren edizio honetan hainbat liburu aurkezpen hartu ditu, eta ilustrazioaren munduarekin lotutako beste zenbait jarduera ere izan dira: lehiaketak, bertso-marrazki afaria, erakusketak eta zuzeneko marrazketa saioa, besteak beste.