Rose Byrne protagonista duen “If I Had Legs I'd Kick You” filmak amatasunaren konplexutasun eta erokerien erretratu barregarri eta gordina eskaintzen du.

Aktore protagonistak Berlingo zinema jaialdian aktore onenaren Zilarrezko Hartza irabazi ostean, A24ren zigilupean, denboraldiko ezusteko handienetako bat bihurtu da pelikula hau.

Byrne, Linda izeneko emakumearen azalean sartuko da. Gainezka dago: alaba jaioberriarekiko ardurek -gaixotasun misteriotsu bat du-, senarraren urrunaldiak, bizitzeko zaila den etxeak, pertsona baten desagerpenak eta terapeutarekin duen harreman gero eta zailagoak ito egingo dute.

Mary Bronstein gidoilari eta zuzendariak ikusleak guraso-antsietatearen ameskeria sukartsu batera eramango ditu; proposamena harrigarriro irudimentsua, ustekabean dibertigarria eta hurbila da. Rose Byrnek muturreko presiopean bizi den amatasunaren erretratu gordina eskaintzen du, erotzear eta izualdi obsesiboan dagoen terapeuta baten paperean, gero eta krisi zorabiagarriagoak bizi dituela.