Hainbat udalerri eta kuadrillatako ordezkariak, haien artean Laudioko, Aguraingo eta Artziniegako alkateak, Gasteizen bildu ziren atzo, foru jauregiaren aurrean, Aldundiari eskatzeko beharrezko neurriak har ditzala paperaren eta kartoiaren bilketa hobetzeko. Bestela, deszentralizazio prozesu bat abian jarriko dute, kuadrillen eta udalen esku gera dadin zerbitzua. Adierazi zutenez, azken bi urteotan zerbitzua «oso modu eskasean» gauzatzen ari da eta «kalte handia» egiten ari zaie. Bistan da birziklapena ez dela Aldundiaren lehentasuna.