‘‘Zergatik eta zertarako Joxe Azurmendi’’ izeneko ‘‘Jakin’’ aldizkariaren zenbaki bereziak jaso zuen atzo Prentsako Argia Saria. «Azurmendirenganako zubi-lana egiteagatik, ia ehun kulturgileren gogoeten bidez haren balioa jasotzeagatik, eta irakurlea galderen munduan murgiltzeagatik» eman zioten. Ikus-entzunezko Saria ‘‘Enarak’’ dokumentalak jaso zuen; Entzunezko Saria, Antxeta irratiak; Internetekoa, Inguma datu-basearentzat izan zen; Kanpaina Onenaren Saria Aroztegiko Elkartasun Komiteak jaso zuen; eta Merezimenduzko Saria, Zenbat Gara elkarteak.