Katu honek Cai Shen zorte onaren jainko txinatarraren mozorroa darama (betaurrekoek ez dute azalpenik). Ofizialki Zaldiaren ilargi-urtea otsailaren 17an hasten bada ere, jada ekin diote urte berria ospatzeari Txinako hainbat lekutan. Adibidez, Shanghain atzo Vienako Irratiko Orkestra Sinfonikoak kontzertua eman zuen. Baina ekitaldi horren dotorezia aparte utzita, kaleak kolorez eta arropa tradizionalez janzten dira (Han dinastiaren jantziak dira nagusi). Gainera, urte berriaren ospakizunek bat egiten dute udaberriari ongietorria emateko antolatutakoekin.