Hainbat zientzialarik salatu dutenez, EAEko zientzia museo garrantzitsuena desagertzear dago. Izan ere, Kutxa Fundazioak Tabakaleran irekiko duen Atenea espazio berriak 500 metro koadro izango ditu eta Eureka museoak dituen 8.000 metro koadroak, planetarioa, behatokia eta hezkuntza eskaintza ordezkatuko ditu. Kutxaespazio, lehenbizi, eta Eureka, ostean, 25 urtez haurrei zientziaren oinarriak era irisgarri, praktiko eta dibertigarrian erakusteko esperientzia arrakastatsuak izan dira, baina Kutxa Fundazioak ekainerako iragarri du itxiera.