Ura Bere Bidean 2026 Bilboko Campos antzokian aurkeztu zuten atzo iluntzean, bere komunitateko ia 800 ordezkarik parte hartu zuten aurkezpen festa batean. Ana Goitia umorista gidari, ekitaldiak musika, protagonista nagusien arteko solasaldiak eta kartel berriaren iragarpena uztartu zituen. Aurten 29 artista arituko dira -%70 berriak-, baita gonbidatu berezi bat ere: Emeli Sandé eskoziarra, rhythm and blues estiloko ahots ezaguna, hainbat Brit sari irabazitakoa. Besteak beste, “Read All About It” kantu ezaguna interpretatuko du gurean.