Saharar herria eta Euskal Herria, ukatuak, zatituak eta ahaidetuak. Basamortuko herri nomadaren, herri erbesteratu eta martirizatuaren areto futbol selekzioa Agurainen, Oriamendi taldearekin jokatzen, besoak zabalik eta eskuekin oratu daitekeen elkartasun ekintzekin hartu duen herrian. Partida bat besterik ez, eta, aldi berean, partida bat baino askoz gehiago. Keinu txikia da, baina esanahiz handia: Saharako Errepublika Arabiar Demokratikoa aldarrikatu zela 50 urte betetzean, askatasunaren aldeko konpromisoa berrestea da. Elkarren ondoan, herrien arteko samurtasunean.