Ziburuko Euskal Liburu eta Disko Azokaren zazpigarren edizioan, “Euskara baikara” leloa bere egin zuen Lapurdiko kostaldeko herriak eta 41 argitaletxe, diskoetxe edo bakarkako ekoizleren azken berritasunak ikusteko parada izan zen. Edizio honetako omendua Beñat Oihartzabal euskaltzain emeritua izan da eta hasiera ekitaldian bertan jaso zuen eskertza. Ostean, Ziburuko eskoletako haurren kantaldia, Pantxix eta Marieren kontzertua, liburu aurkezpenak, “Zirriborroka” bertso-marrazki dema, rol-joko partidak... eta, azoka ixteko, Jurgi Ekizak eman zuen kontzertua.