Nestor Basterretxeak Bilboko Arte Ederren Museoan urte hasieran muntatu zuen «Forma eta unibertsoa» erakusketan oinarrituriko dokumentala eskainiko dute museoan, «Bizi seinaleak» izenekoa. Honek XX. mendeko euskal artistarik esanguratsuenetako baten garrantzia agerian uzten du. Emanaldia gaur izango da, 19.00etan, bertako auditoriumean; sarrera doakoa izango da eta bertaratu nahi duenak gonbidapena leihatilan jaso ahal izango du 10.00etatik aurrera, eserleku guztiak bete arte.