Victor de Diego (saxo tenorra eta sopranoa), Jordi Gaspar (kontrabaxua) eta Gonzalo del Val-ek (bateria jotzailea) osatutako hirukotea gurean da, «Tribute» (Quadrant records) bere azken lana -lider gisa duen seigarrena- aurkezteko, non estandarrak nagusi diren. Gaur, 22.00etan, Iruñeko Garazi tabernan izango dira; ostegunean, 22.00etan ere, Bilbaina Jazz Cluben; eta ostiralean, 20.00etan, Zumaiako Itzurun tabernan. De Diegok berak azaltzen du lan hau aurrekoekin erkatuz: «Halere, ezberdina da: lehenengoa kenduta, aurreko guztietan nik konposatuak izan dira kantak. Honakoan, nire kanta bi izan ezik, beste guztiak estandarrak dira. Izenburua `Tribute' da, ohiko jazzari egin diodan omenaldia edo».