Datorren ekainaren 11tik aurrera Amaia eta Aitor Merinok zuzendutako «Asier ETA biok» filma DVDan erosi ahal izango da. DVDan, filmaz gain trailerrak, crowdfunding kanpaina, nola egin zen eta fitxa teknikoa gehituko dituzte. Une berean Internet bidez filmak ikusteko Filmin plataforman txertatuko dute prezio merkeagoan eta edonon eskuragarri izateko. Horrela, Donostiako 61. Zinemaldian estreinatu zen lanak jada izan duen ikusle kopuru handia are handiagoa izango da.