Gipuzkoako giza-proba Txapelketako bigarren jardunaldia hasiko da. Bi multzotan banatuta ari dira kanporaketak jokatzen, eta Liga ari da izaten lehen fase honetan. A multzoko bigarren saioa jokatuko da bihar, 18.30ean, Errezilgo plazan.

Itziarko Andutz, Orioko Heldu eta Mendaro izango dira lanean arituko diren hiru taldeak. Lehen jardunaldian oriotarrak izan ziren nagusi, baina oso metro gutxitako aldea baino ez zioten kendu bigarren geratu zen Itziarko taldeari.

Mendaro izan zen azkena, eta finalean izan nahi baldin badu, biharko saioan emaitzak hobetu beharko ditu zuri-berdeen taldeak. Halako saioek ikusmina pizten dute, baina pilota finala arratsalde berean izateak kalte egin liezaioke. Sarreren salneurria 5 eurokoa da.