Gaztedi A taldeak eskura dauka 580 kiloko txapela, herenegun irabazi egin baitzuen bere saioa. Lehen jardunaldian Goiherrik lortu zuen garaipena, eta bazirudien pisu honetan txapela lortzeko aukera izan zezakeela, baina ezustea eman zen, Erandioko taldeak hirugarren amaitu baitzuen.

Azkenera arte ez ziren bi faboritoak elkarren aurka neurtu, eta ordura arte denak irabazita zeuden. Elkarren artekoan bakoitzak bana irabazi zuen, eta bazirudien saioa berdinean amaituko zela, baina Goiherrik galdu egin zuen gero Gaztedi B taldearekin, eta hirugarren amaitu zuen jardunaldia, Gaztedi A eta Gaztedi B taldeen atzetik. Laugarren postuan amaitu zuen, berriz, Mutrikuko taldeak.