Elizondotik Iparralderako bidean dago Otsondo mendatea. Goialdera iristean -Elizondo eta Dantxarinea erdialdea-, Otsondo gaina deituriko merenderoa dago.

Atsedenlekuan bazkari nahiz egonaldietarako zelai ederrak, bankuak, erretokiak, mahaiak eta komunak daude, bai eta eguraldia okertzen denean bertan babesteko txabola handi bat. Gainera, bertaratzen direnek Larrun mendiaren eta Lapurdiren ikuspegi apartaz gozatzeko aukera izango du.

Egun pasa egin nahi dutenentzat toki paregabea izateaz gain, bertan beste hainbat jarduera egiteko aukera eskaintzen du; esaterako, Alkurrun ibilbidea egiteko aukera. Bide aproposa da pieza megalitikoak eta bunkerrak ikusteko.

Ibiltze kontuekin jarraituz, Donejakue bidea inguru honetatik igarotzen da. Horrenbestez, ohikoa da bertan zenbait erromesekin topo egitea. Ibiltariez gain, jende ugarik furgoneta hartuta, eguna txoko honetan eman ondoren, bertan igarotzen du gaua.