Alarde parekidea antolatzen duen Jaizkibel konpainiari babesa emango dio gaur Gazte Abertzaleak (GA) taldeak, Hondarribiko udaletxeko arkupetan zein kaleetan txalotuz. «Gizarteak baditu mila gaitz herrietako festak sexismoaren pozoiaz kutsatzeko; urratu ditzagun tradizio faltsuen kateak, eta utz dezagun jai giroa denontzat baketsua eta alaia izan dadila», nabarmendu du GAk. Bide batez, EAJ, Lakuako Gobernua eta Hondarribiko Udala bera alarde baztertzailearen alde azaldu izana onartezintzat jo du.