Nagore Belastegi Martin|2018/06/09 00:00
TELMO TRENADO

1995an jaioa, 23 urteko gazte zumaiar arrunta da Telmo Trenado. Afizio bat du, magia, eta bere abilidadea sare sozialetan erakusten hasi zen. Desagertutako Fotolog eta Tuentin argazkiekin egiten zuen bezala, Youtuben bideoak jartzen hasi zen 2012an. Milaka jarraitzaile ditu mundu osoan egun, eta publizitatetik etekinak lortzen ditu.

Maddi Txintxurreta Agirregabiria|2018/06/02 00:00
AMAIA OLASOLO

Amaia Olasolok literaturarako jauzia eman du estreinakoz, «Por fin lo sé. En busca del propósito de vida. Una extraordinaria historia de autosuperación y reinvención» liburuarekin. Mathilde Denoir protagonista paristarraren azaletik, norbere buruaren garapena bilatzen duen fikziozko nobela da, bizitza oztopoz betetako bidaia dela ulertuta.

Ion Salgado|2018/05/26 00:00
MARTIN FIZ

Joan den apirilean Londreseko maratoia irabazi zuen, 55 urtetik gorako korrikalarien kategorian. Hartara, munduko sei maratoi garrantzitsuenak irabazi ditu korrikalari gasteiztarrak, duela hiru urte bere buruari egindako erronka gaindituta. Orain Fizek atsedenaldi bat hartuko du, baina udazkenean beste erronka bat iragarriko du.

Maider Iantzi Goienetxe|2018/05/19 00:00
AIORA MUJIKA«PROBATXOA»

«Probatxoa» izenez ezagutuko duzue Aiora Mujika (Anoeta, 1987). Youtubergintzan hasi zen euskarazko edukia faltan ematen zuelako eta jendea animatu nahi zuelako. Eta, batez ere, gustuko duelako. Halere, Twitter du sare sozial guztien artean kutunena. Komunikatzeko estilo batetik bertzerako pausoaz mintzatu gara, bertze gai aunitzen artean.

Nagore Belastegi Martin|2018/05/12 00:00
PATRICIA JIMENEZ ORDUNA

Patricia Jimenez Ordunak (1987, Azkoien) botika industrian egiten zuen lan eta bikotekidea zuen. Bizitza horrek betetzen ez zuela ikusirik, zoriontsuagoa izateko bidea bilatu zuen. Ondo pentsatu ostean, 2014an dena utzi eta Thailandiara joan zen hilabeterako; azkenean zazpi eman zituen Asian eta bidaiatzen jarraitzen du ordutik.

Maider Iantzi Goienetxe|2018/05/05 00:00
AMELI IPUINEN JOSTUNE

Ilusioa, freskotasuna, irudimena, ausardia... Ezaugarri aunitz transmititzen dituzte Amaia Elizagoien eta Irati Celestinok ipuin kontaketa musikatuetan; baita horietatik kanpo ere. Baikorrak denak. Agurtzean, gibelera begiratu, eta elkarri helduta kontent ikusi ditugu hurrengo emanaldira bidean. Gu ere irribarrez, jasotako guzia ongi islatzeko gogoz.

Nerea GOTI|2018/04/28 00:00
CASILDA MARAÑON, MOZORROEN DAMA

Casilda Marañonek mozorro ugari diseinatu ditu pentsaezinak ziruditen elementuak erabiliz eta hainbat sari ere jaso ditu. Zaborra apaingarri bilakatzea arte bat da, are gehiago goi-mailako joskintza gogora ekartzen duten mozorroak sortzen badira. Lanari arima jartzen dio. Onenean egongo litzateke injustiziak bihotza apurtu ez balio.

Xabier Izaga Gonzalez|2018/04/21 00:00
JOSUNE VELEZ DE MENDIZABAL

Kazetaritzan 20 urtez jardun ondoren, irakaskuntzan saiatu ostean, enplegua erregulatzeko espediente batek kalean utzi eta gero, gordean zuen gogoa agertu eta antzerkiari heldu zion osoki. Nisune da, Josune Velez de Mendizabalek idatzitako «Oingoan bai» obraren antzezlea. Hurrengo hitzordua, Gasteizko Zabalganan, maiatzaren 13an.

Jon Garmendia|2018/04/14 00:00
NAHIA

Ruandan sortu zen duela 26 urte, eta, bera sortu zelarik, bere ama zendu zen. Txikia zela Urruñako familia batek adoptatu zuen eta bertan hazi da: besteen ispilura, gizon itxuraz; bere baitan, itxura horrekin tirabiran. Azkenean, baina, den bezala bizitzeko apustua egin du, emakume baten azalean. Ez da erraza izan, bai beharrezkoa.

Maddi Txintxurreta Agirregabiria|2018/04/07 00:00
FATIHA HAJJI BABA

Fatiha Hajji Baba (Monlay Boussalham, Maroko, 1962) pintorea da. Duela 26 urte utzi zuen Maroko, eta, hara-hona ibili ondoren, Azkoitian finkatu zen duela hamahiru urte. Bertan topatu du horrenbeste urtez bila ibili den lasaitasuna, eta bertan ematen ditu orduak eta orduak oliozko obrak sortzen. Zumarragako Zelai Arizti kultur etxean erakutsi ditu obrak berriki, eta harrera ona izan du.

Orria 2/ 16