Xabier Izaga Gonzalez|2019/03/23 00:00
ANBOTO TABERNA
Betiko taberna. Hala izan da beti eta hala jarraitu zuen duela 40 urte, mungiar batek Anboto Oleagarena izenarekin berriro zabaldu zuenean. Jesus, Joxepe eta Iñakik bete dituzten hiru etapen ondoren, Karlosek gasteiztar eta kanpoko askoren bilgune horren laugarren etapari ekiteko prest dago, betikoa eta berrikuntza uztartuz.
Nerea Goti|2019/03/09 00:00
JON KARLA BILBAO

Erroman hasi eta Santiago de Compostelan bukaera duen Donejakue bidea egingo du Jon Karla Bilbaok. Eta amets bikoitza beteko du: aspalditik egin nahi zuen abentura osatu eta Atece Araba hartutako kalte zerebralaren arretarako elkarteari lagunduko dio. «Bidea zabalduz» da jada abian den ekimena eta kilometroak erosita lagundu daiteke.

Ane Urkiri Ansola|2019/02/23 00:00
IBON URREISTI

Zesta-punta aktibatu eta hain agerian ez dauden gainontzeko pilota modalitateekin «solidario» izan nahi izan du Xisterak. Kirol elkartea 2016an sortu zuten, txapelketak sortu zituzten puntistek gazte mailan jarraipena izan zezaten, eta, orain, erremintazko jokamoldeen erakusleiho izango den «Erreminta» aldizkaria argitaratzeari ekin diote.

Xabier Izaga Gonzalez|2019/02/16 00:00
GORKA BASTERRETXEA

Aitaren itzala luze eta trinkoa da. Ez du inolako zama, ordea; aitzitik, polita iruditzen zaio itzal horrek bere lana erraztea, aitak obra ikaragarria baino askoz gehiago utzi zuen seinale. Haren itzalpean ezagutu zuen artearen mundua, haren itzalpean jarraitzen du mundu horretan Gorka Basterretxea artezale ausartak, Gasteizko Talka galeriatik.

Amagoia Mujika Telleria|2019/02/09 00:00
AGUSTIN BELOKI

«Erromara joan behar diat», esaten zien ingurukoei adinean aurrera zihoala eta bere ibiltari kontuak alboan utzi beharko zituela iradokitzen ziotenean. Esan eta esan, bere bizitzako bidaia osatu zuen duela lau urte, 76 urte zituela. Donostiatik Erromara joan zen oinez; 94 egun, 91 etapa, 2.400 kilometro. Eta ibilian segitzen du oraindik, egunero.

Maider Iantzi Goienetxe|2019/02/02 00:00
JOSEBA IRAZOKI

Lagunekin sortutako «Zu al zara?» berria erantzun onena izaten ari den Joseba Irazokiren diskoa da eta kontent dago beratarra. Lanik rockeroena ere bada eta askatasunak biltzen du hasi eta buka. Elkarrizketan ere behin eta berriz jo du askatasunera. Umiltasuna, alaitasuna eta hurbiltasuna transmititzen ditu, eguna hasteko primerako osagaiak.

Xabier Izaga Gonzalez|2019/01/26 00:00
MAIALEN KORTABARRIA

Arratsaldero entzuten da haren ahotsa Arrosa Sareko «Zebrabidea» magazinean. Bigarren urtea du irratsaio horretan, hasierako beldurrak gaindituta. Ordu dezente eskaintzen dio lan horri, horregatik azkenaldion ez du gai-jartzaile egiten, noizbehinka baino ez. Oso gauza interesgarriak kontatu dizkigu bere bi jardun horien gainean.

Amagoia Mujika Telleria|2019/01/19 00:00
XABIER GARATE

Buruhandiak, erraldoiak eta eszenarako askotariko sorkuntzak egiten ditu Xabier Garate irundarrak. 1982. urtean hasi zen zaletasunez eta azkar bihurtu zitzaion ofizio. Berak dioenez, elementu bizigabeak egiten ditu, norbait barruan sartzen denean bizia hartzen dutenak. Berak gorputza ematen die; erabiltzen dituenak, arima.

Xabier Izaga Gonzalez|2019/01/12 00:00
TXERRA BOLINAGA

Duela ia lau hamarraldi RIP taldea sortu zuen zenbait lagunekin, momentua bizitzea helburu bakartzat zuela. Eta momentu gozo eta samin asko bizi izan zituen lagun artean, beti ere rock-punk doinuetan blai. Estilo hori utzi gabe, Konpost taldean jotzen du egun Txerra Bolinaga euskal presoen eta eskubide zibilen aldeko militante sutsuak.

Ion Salgado|2019/01/05 00:00
ROSALIND WILLIAMS

1992ko abenduaren 6an, poliziak identifikatu egin zuen Rosalind Williams Valladolideko tren geltokian, beltza izateagatik. Gertatutakoa salatu eta NBEra eraman zuen bere kasua Williamsek. Genevan dagoen Giza Eskubideen Batzordeak arrazoia eman zion, baina espainiar Estatuak ez du identifikazio arrazistak saihesteko neurririk hartu.

Orria 1/ 18