Amagoia Mujika Telleria
IKUSMIRA

ERRETIRATZEKO ASMORIK EZ DUZUNEAN

Jon URBE| FOKU
Jon URBE| FOKU

Erretiratzeko asmorik ez duzunean, edozein kale kantoi bihurtzen duzu konfidentziarako txoko apropos. Publikoetan publikoenak izanagatik, dauden tokirik intimoenak baitira kale kantoiak, atariak, bankuak, belardiak, komuneko ateak... sanferminetan. Eta jendez inguratuta egonagatik, bakarrik bezala sentitu zaitezke laguna ondoan hartuta bezperako lainezari segida ematen. Etxean, tabernan, elkartean... hizketaldia gehiegitxo luzatzen denean beti azaltzen da norbait erratzarekin, lurra garbitzeko aitzakian hiztunak etxera bidaltzeko. Askotan, baina, hankak altxatu, erratzari bere lana egiten utzi eta segi egiten du solasaldiak. Erretiratzeko asmorik ez duzunean ez dagoelako erretiraraziko zaituenik.