Lehen gaua igaro ondoren, Gazte Danbada jaialdiak ez du etenik eta larunbat goizetik hasiko dira taller eta hitzaldi ezberdinak Urduñan. Egitarau oparoa osatu dute ostiraletik astelehenerarte eta milaka lagun batu dira Ernai gazte antolakunde berriaren aurkezpen jaialdian.

Goizeko 10.00etan abiatuko dira lehen hitzaldiak. Segurtasun digitala, elikadura subiranotasuna, antzerki taierrak, xiba jolasak, autodefentsa feminista... mota guztietako ekimenak izango dira. Arratsaldeko 20.00etan berriz, ekitaldi nagusia burutuko da.

Gauean kontzertu andana izango da gune ezberdinetan. Toy Dolls, Gatibu, Sen, Willis Drummond eta On arituko dira Altxa eszenatokian eta Txoriak Negutegian, Anai Arrebak, Gose, Matxura eta South Central Astindu gunean.