Pedro Passos Coelho Portugaleko lehen ministroak murrizketa berriak egingo dituela iragarri du bigarren erreskate bat ekiditeko.

Pedro Passos Coelhok agerraldia egin du arratsaldean eta «ahal duen guztia» egingo duela azpimarratu du.

Auzitegi Konstituzionalaren epaiaren ostean, ministro kontseiluen ezohiko bilera egin zuten atzo epaia aztertzeko eta lehen ministroak legegintzaldia bukatzeko babesa jaso zuen.

Erabaki horrek herrialdea arriskuan jartzen duela gaineratu zuen, eta erreskatearen epeak luzatzeko negoziaketetan ondorio negatiboak izan ditzakeela ohartarazi zuen.