Milaka eta milaka euskaltzalek bat egin zuten igandean Nafarroako ikastolen aldeko festarekin. Tutera izan zen jaialdi horren erdigune, zehatzago, Argia ikastola. Erriberan dagoen ikastola bakarra.

Jasotako erantzun onaz mintzatu dira gaur antolatzaileak, lortutako emaitzarekin pozik. Atzoko egunean bizitako giro ezin hobea azpimarratu dute eta Nafarroako hegoaldean euskararen alde lanean jarraitzeko hautua berretsi.

Hasiera ekitaldi hunkigarria ere izan dute gogoan, non ordezkari politiko eta eragileei ikastola babesten jarraitzeko eskaera luzatu zien.

Horrez gain, boluntarioek egindako lan eskerga eskertu dute.