Leitza, Sunbilla, Areso, Betelu, Ituren, Zubieta, Aniz, Berroeta, Betelu... asko dira dagoeneko inauteriak ospatu dituzten herriak. Asteburu honetan ere beste herri batzuk gehituko dira zerrendara, honako hauek besteak beste: Arantza, Oiartzun, Igantzi, Lekunberri, Lizarra, Arretxabaleta, Andoin, Egino eta Asparrena eta Donibane Lohizune eta Ziburu.
Egunotan, beraz, inauteri garaian soilik agertzen diren pertsonaiez beteko dira Euskal Herriko zenbait herri: ihoteak, Aittezarko, Aldabika, Hartza...
Oiartzungo Ihoteak iaz, Doike taldearen bideo honetan jasota.
Hala ere, datorren astean, otsailaren 12tik 17ra bitartean ospatuko dira jai zaratatsu hauek euskal txoko gehienetan (baita diasporan ere, London tartean). Kolore eta musikaz jantziko dira, adibidez, Tolosa, Donostia, Iruñeko alde zaharra, Lizarra, Hernani, Artziniega, Elizondo, Zalduondo, Eskoriatza, Olazti, Segura, Larraga, Lantz, Gasteiz, Mundaka, Azpeitia, Lesaka, Amezketa, Abaltzisketa, Antzuola, Markina, Etxarri Aranatz, Unanua, Altsasu, Goizueta, Aiara...
Herri bakoitzak bere ohiturak ditu, bere pertsonaiak, bere istorio kuriosoa, bere egitarau berezia... Hemen banan-banan zerrenda luzea, bakoitzaren gustuen arabera hitzordurik egokiena aukeratu ahal izateko.
«Torturatu gintuzten, erori ginen, altxa gara, hemen gaude eta borrokan jarraitzen dugu»
«Usaban a Dios para someter a las internas, para meternos miedo»
Insultan a una esquiadora italiana por hablar ladino en una entrevista
El Gobierno navarro, «preocupado» ante las informaciones sobre el centro evangelista Vida Nueva
