Ohar bidez, Kutxabankeko presidentearen soldata igoera arbuiatu du pribatizazioaren aurkako plataformak.

«Pribatizazioa haztegi bilakatzen ari da bai faborezko harremanetarako, borondateak erosteko eta baita karguek erabilerarako, pertsonen nahiz alderdien mesedetan», azpimarratu dute.

Testuinguru honetan, alderdiek egindako akordioak eta haien ondorioak argitu daitezela eskatzeaz gain, BBK, Kutxa eta Vital banku fundazioen presidenteen soldatak publiko egiteko galdegin dute.

Horrez gain, Kutxabankek «kontrol publiko eta sozialera» itzuli behar duela eta haren «estrukturak demokratizatu» behar direla aldarrikatu dute.